Camping in Dahab

كامبينج أو بمعنى تاني الفصلان. كامبينج في دهب يعني تشد الفيشه و تفصل من الدوشه و الزحمة و الأصوات العالية و التكنولوجيا لأنك احتمال كبير متلاقيش شبكه موبايل ولا كهرباء. هتقضي ليلتك مع النجوم و السماء و البحر و الجبال.

ايه هي أماكن الكامبينج في دهب ة توصلها إزاي؟

في دهب ممكن تعمل كامبينج في أبو جالوم و بلو لاجونا 

في كامبات و كافتريات كتير هناك متسميه علي أسامي أصحابها زي شيخ عواد و خضر و العمده و بيوفروا أماكن للكامبينج أو الميبت زي ما بيسموه.الأسعار لليله بتبقي في حدود 250 جنيه شامله الفطار.


بتوصل أبو جالوم عن طريق مركب أو ممكن تركب جمل. الطريقتين ممتعين و ممكن تجربهم الاتنين واحده للوصول وواحده للرجوع..  لو عايز تبات في بلو لاجونا ممكن تاخد عربيه تانيه لهناك. 

نيجي لمميزات الكامبينج في دهب:


– أبو جالوم من أجمل الأماكن في السنوركيلنج و الغطس و ده معناه إنك ممكن تقضي النهار هناك من غير ما تزهق.

– بلو لاجومنا برضوا من الأماكن المشوره بال kite surfing
يعني لو إنت من محتاج تفصل بس في نفس الوقت بتزهق لو المده طولت دي مش هتبقي مشكله تماما لأنك ممكن تقضي هناك ليلة واحده و ترجع تاني للحياه الطبيعيه و الكهرباء و الموبايل في دهب. مش محتاج تسافر مسافة طويله عشان ترجع للحياة الترفيهيه.

أول مرة كامبينج؟
لو أول مره تعمل كامبينج لازم تكون مستعد للحياه البسيطه. الكامب بيبقي عبارة عن عشش متقفلة و مفروشه فرش بسيط.
يعني هتلاقي سرير بسيط أو مفروشه الفرش العربي البسيط و حمام واحد مشترك.


يفضل إنك تروح في جو معتدل يعني مارس.. ابريل أو سبتمبر و أكتوبر عشان تتجنب الحر أو البرد لأن المكان بسيط جداً و طبعا غير مكيف.


ممكن تاخد معاك sleeping bag أو سرير هوائى عشان تبقي مرتاح أكتر.
ممكن برضوا تاخد معاك غطا احتياطي عشان لو طالع في وقت برد أو لو بتفضل تستخدم حاجتك الشخصيه.

إيه الحاجات اللي ممكن تحتاجها؟

١. زي ما قولنا منامه sleeping bag أو سرير هوائي airbed
٢. إسعافات اولية first aid   
٣. بساط أو yoga mat لو بتحب اليوجا و هناك أنسب مكان للاستجمام و اليوجا.
٤. كشاف أو شمع لأن مفيش كهربا بليل
٥. مياه ..عصائر. على حسب رغبتك أو ممكن تطلب من الكافتريات
٦. أدوات العنايه الشخصيه ( مناديل مبلله.. معجون أسنان…..)

Leave a Comment