مواصلات دهب

تروح دهب إزاى؟

**لو هتروح دهب من القاهرة دي وسائل المواصلات المتاحه:

  1. أتوبيس: 

الاتوبيسات متوفره في شركات شرق الدلتا و جو باص و بلو باص:

  • جو باص أو: Go bus 

الرحلات بتطلع من عبد المنعم رياض و نفس الاتوبيس بيعدي على محطة نادي السكة في مدينه نصر بعد كدة.

متوفر تقريبا من ٤ ل ٥ رحلات يوميا بأسعار مختلفه بتختلف على حسب فئة الأتوبيس و دي الفئات: 

الإقتصادي: سعر التذكره 215 جنيه و دي أقل فئة، الأتوبيس جودته كويسه الي حد كبير. عدد الكراسي ممكن أكبر و ده بيخليك مش قاعد مرتاح أوي و فيه تليفزيون واحد قدام بيعرض أفلام طول الطريق.

–  جو ميني أو: Gomini سعر التذكرة 230 جنيه و ده عباره عن اتوبيس صغير شبيه بالميكروباص. 

– دي لوكس: سعر التذكرة 265 جنية و الفئه دي من الأتوبيسات فيها واي فاي و ده اللي يميزه عن فئة الإقتصادي. 

إيليت: و دي أعلي فئة و سعر التذكرة 445 جنية. الفئة دي أكتى فئه مريحه لأن المسافه بين الكراسي كبيرة تخليك قاعد مرتاح خصوصا مع المسافة الطويلة و الأتوبيس فيه واي فاي و DVD و بيتقدم في الرحلة مشروبات ساخنه ووجبة. 

وقت الرحلة لكل الفئات واحد و هو ١٢ ساعة. اللي بيفضل ميضيعش يوم السفر ممكن يختار رحلة ليلية عشان يوصل دهب الصبح.

  • شرق الدلتا:

الرحلات بتطلع من الترجمان في وسط البلد او ألماظه.

سعر التذكره xxxx و هي فئة واحده من الأتوببسات.

  • بلو باص

أحسن ميزه في بلو باص إن رحلاته متاحه من محطات كتير مش مقتصره على محطتين زي باقي الشركات .

الرحلات متاحة من ٦ أكتوبر منطقه الحصري… داندي مول طريق مصر الصحراوي.. الشيخ زايد … محور المشير… الجيزه البحر الأعظم… رمسيس و ألماظه.

سعر الرحله 330 جنيه للدرجة المميزه و 460 جنية الأعلى فئة و إسمها فئة رجال الأعمال.

** لو هتروح دهب من أي مكان تاني غير القاهره: 

  • جو باص

-متوفر رحلات من الأسكندريه و سعر التذكره 315 جنيه لفئه دي لوكس.

-متوفر رحلات من شرم الشيخ/ الرويسات و سعر التذكرة 80 جنيه لفئة ال دى لوكس

  • بلو باص:

– متوفر رحلات لدهب من أسكندريه .. الرحلات بتطلع من محطات سيدي جابر و محرم بيك و سعر التذكره 435 جنيه. 

– متوفر رحلات من شرم الشيخ/ الرويسات و سعر التذكره ٨٠ جنيه للدرجه المميزه و ١١٠ جنيه لدرجة رجال الاعمال

الاتوبيسات كلها بتوصلك لمحطة دهب. من هناك ممكن تأخد عربية خاصة بتوصلك لمكان الفندق او الكامب اللي نازل فيه و بعد الفنادق بيبقي عندها خدمة توصيل من و إلي المحطه.

٢ . الطيران:

رحلات الطيران متاحه على خطوط مصر للطيران الداخليه و دي طبعا أريح طريقه للمواصلات و متاحة من مدن اكتر زي الغردقه و الاقصر . 

كل الرحلات بتوصل مطار شرم الشيخ و من هناك هتحتاج وسيلة تانيه توصلك دهب سواء تاكسي خاص أو أتوبيس.

  • من مطار القاهرة لمطار شرم الشيخ: سعر التذكرة 2121 جنية.
  • من مطار الأقصر لمطار شرم الشيخ: سعر التذكرة 4400 جنية.
  • من مطار الغردقة لمطار شرم الشيخ: سعر التذكرة 5326 جنية. 
  • من مطار أسكندرية ( برج العرب) لمطار شرم الشيخ: سعر التذكرة 4471 جنية. 

…………………………………………………………………

تتنقل إزاي جوه دهب؟ 

  • لو إنت مقيم في كامب أو اوتيل قريب من الممشي ممكن تتحرك مشي لو عايز تسهر في أي كافيه أو مطعم أو لو عايز تتغدي او تتعشي. مش هتحتاج وسيلة مواصلات.
  • لو هتروح اي من المناطق البعيده نسبيا عن الممشي زي الطويلات للعشا الجبلي او البلو هول.. ثري بولز….. هتحتاج عربيه و دي ممكن تتفق مع سواق من أهل دهب يبقي معاكم كل يوم لو انتم مجموعه و على حسب العدد و المكام بتحدد التكلفه. لو انتم ٤ أو ٥ أفراد ممكن تكلفة المشوار تبقي 20 ل 25 جنية للواحد على حسب المكان.

Leave a Comment